Djamars 1e di aprel 2025, Señor Hennyson M. Thielman a huramentá ofisialmente komo miembro di Konseho Insular di Boneiru pa frakshon Movementu di Pueblo Boneriano (MPB).
E delegashonnan di Boneiru, Sint Eustatius i Saba a sigui nan reunionnan na Den Haag e siman aki, despues di a risibí e karta di e Sekretario di Estado na febrüari 2025 tokante e kambionan proponé den e lei WolBES i FinBES.
Un delegashon ku ta representá e islanan Boneiru, Sint Eustatius i Saba ta aktualmente na Hulanda pa un seri di reunionnan na Den Haag. E diskushonnan ta enfoká riba e revishonnan ku ta tumando lugá den e leinan WolBES i FinBES.
Delegashon di Konseho Insular di Boneiru ku a konsistí di konsehalnan Benito Dirksz, lider di e delegashon huntu ku konsehalnan Cyrill Vrolijk i Daniel Crestian ta wak bek riba u bishita na Aruba fruktifero ku diferente kombersashon intersante.
Di 16 te ku 26 di mart, lidernan di frakshon di Konseho Insular – Rolanda Hellburg-Makaai, Daisy Coffie, Benito Dirksz, Humphrey Wout Jr. i Cyrill Vrolijk – huntu ku e griffier, e Diputado pa asuntunan Intergubernamental i Regional i e konsehero pa e islanan BES, señor Van Rijn, lo hasi un biahe di trabou pa Hulanda.
Entre 13 i 19 di mart 2025, miembronan di Konseho Insular di Boneiru James Kroon, Daniel Crestian, Cyrill Vrolijk i Benito Dirksz lo realisá un bishita di trabou na Aruba. E bishita aki ta enfoká riba konosé diferente proyekto riba e isla, ku e meta pa amplia nan konosementu riba diferente tereno.
Komo resultado di e kumbre BES ku a tuma lugá riba 12 di febrüari último, na Saba, e Konseho Insularnan di Bonaire, Sint Eustatius, i Saba a akordá pa konhuntamente manda un karta di kontesta pa Sekretario di Estado di Relashon di Reino.
Riba 12 di febrüari 2025, e Konseho Insularnan di Boneiru, Sint Eustatius i Saba a tene un Kumbre BES , organisá pa e Konseho Insular di Saba na Saba.
E Konseho Insular di Saba ta yama e Konseho Insular nan di Sint Eustatius i Saba un kaluroso bon bini na Saba na e dos dianan di kumbre.
Riba 10 di febrüari 2025, Konseho Insular di Boneiru a hiba un bishita na e promé minister di Sint Maarten, sr. Luc Mercelina. Durante e enkuentro aki, a duna énfasis riba e deseo pa mantené i fortalesé e laso entre e islanan.
Konseho Insular di Boneiru ta lansa e promé edishon di boletin mensual, ku ta resumí aktividatnan, desishonnan i eventonan mas importante di e luna ku a pasa. E boletin di e luna di yanüari tin un retrospektiva di aña 2024, ku enfoke riba e momentonan importante i desaroyonan ku ta forma e isla.
Riba djabièrnè 31 di yanüari 2025, a tuma lugá un interkambio entre UNESCO, KIEN, Natcom NL i representantenan lokal di UNESCO ku Konseho Insular(KI) i Kolegio Ehekutivo Di Boneiru. E meta di e reunion tabata pa presentá Konseho Insular i kolegio ehekutivo na UNESCO i kompartí informashon tokante e ròl i tareanan di e organisashonnan presente.
Un delegashon di Konseho Insular di Boneiru a hiba un bishita di trabou na Hulanda for di 24 te ku 29 di yanüari 2025. Durante e bishita aki, e enfoke tabata pa fortales’é e kolaborashon ku diferente instansia gubernamental i koordiná proseso gubernamental i demokrátiko.
Riba djaluna 20 di yanüari, Profesor Diana Suhardiman, direktor di KITLV/Royal Netherlands Institute of Southeast Asian and Caribbean Studies i profesor di Natural Resource Governance, Climate and Equity na Universiteit Leiden, a tene un presentashon i a la bes un diálogo di konosementu ku representantenan di Konseho Insular di Boneiru.
Despues di mas ku un aña di trabou di renovashon i adaptashon di Pasangrahan pa akapará e kresementu di e tim di sosten pa Konseho Insular di Boneiru i tambe frakshonnan, kuminsando djaluna 13 di yanüari 2025 Griffie di Konseho Insular i ofisina di frakshonnan lo regresá Passangrahan ofisialmente.
Djárason 6 di novèmber a tuma lugá un reunion na kua representantenan di prensa, lidernan di skol, dosentenan i koleganan di Entidat Públiko Boneiru (EPB) a bini huntu pa risibi un presentashon tokante reintrodukshon di edukashon di suidadania.
Konseho insular di Boneiru ta hopi preokupá ku e kandela ku a surgi na lenfil di Selibon i su konsekuensianan pa e habitantenan i naturalesa di Boneiru. Debí na esaki tur frakshon nan huntu a hasi un petishon na gezaghebber pa un reunion urgente.
Riba djamars 22 di òktober 2024, Salma Serberie a huramentá ofisialmente komo miembro di Konseho Insular di Boneiru pa frakshon Demokrat. E ta remplasá Sr. Delno Tromp, ku a renunsia for di su puesto den e konseho insular.
