Konseho Insular ta ku resès

For di djaluna 19 di yüni te ku djabièrnè 11 di ougùstùs Konseho Insular di Boneiru ta ku resès, o sea un periodo sin reunion. E ora ei en prinsipio no tin aktividat na Passangrahan. Durante resès miembronan di Konseho Insular ta hasi bishita di trabou sí i nan ta keda den kòmbersashon ku organisashonnan i suidadanonan.

T’asina tambe ku aktualmente trabounan di renobashon nesesario ta tumando lugá na Passangrahan, di manera ku e aksesibilidat físiko di Konseho Insular i Grefi ta poko limitá te meimei di luna di ougùstùs. Por tuma kontakto sí via telefòn i/òf email. Esaki por via +599 715 53 52 i/òf info@konsehoinsular.nl.